Argieffoto
Die ambassade het in ʼn waarskuwing op sy webtuiste gesê die belange wat moontlik geteiken kan word, sluit in Amerikaanse regeringsfasiliteite en ander fasiliteite wat identifiseerbaar is met Amerikaanse sakebelange.
Volgens die ambassade is daar geen verdere inligting rakende wanneer of wat geteiken kan word nie. Die ambassade het Amerikaanse burgers in Suid-Afrika gewaarsku om bewus en waaksaam te wees van hul omgewing en hul persoonlik veiligheidsplanne te hersien.
Dié aankondiging volg kort voor die herdenking van die terreur-aanval op 11 September 2001 op die Twin Towers in Amerika.