Argieffoto
ʼn Man van die Wes-Kaap verskyn na verwagting Dinsdag in die hof nadat hy glo sy agtjarige stiefdogter verkrag het.
Volgens kapt. Bernadine Steyn, provinsiale polisiewoordvoerder, het die man glo Vrydag omstreeks 07:15 die dogtertjie op die vloer van hul huis in Da Gamaskop, Mosselbaai, verkrag terwyl sy vir skool gereed gemaak het.
Die man is Sondag omstreeks 10:00 by die huis in hegtenis geneem en sal in die Da Gamaskop-landdroshof op aanklag van verkragting verskyn.