Die Wes-Kaapse hooggeregshof. Argieffoto
Die meisie is vroeër vanjaar by ʼn plaaslike skool gevind met ʼn ander naam en van. Sy het intussen 18 geword en voltooi tans haar matriekjaar.
Die vrou wat sy haar hele lewe lank as ma geken het, word nou aangekla van ontvoering, bedrog en oortreding van die Kinderwet. Die saak sal na verwagting vandag na die Wes-Kaapse hooggeregshof oorgeplaas word vir ʼn voorverhoor-beraad.
Die storie van Zephany Nurse het verlede jaar internasionale nuushooftrekke gehaal nadat die meisie se biologiese suster by dieselfde skool as sy beland het en die twee vriende geraak het. Nadat die jonger sussie haar ouers vertel het van die opvallende ooreenkoms, het Morne en Celeste Nurse agterdogtig geraak en gedink dit kan dalk hul ontvoerde dogter wees.
DNA-toetse het later bewys die tiener is wel die kind na wie hulle al 18 jaar lank gesoek het.
