Sers. Clinton Odayar en sy snuffelhond, Danté, help met die soektog. Foto: SAPD
Maj. Thulani Zwane, woordvoerder van die KwaZulu-Natalse polisie, het gesê polisiebeamptes is Saterdag na ʼn huis in Lindelani in Ntuzuma ontbied nadat die peuter uit sy ouerhuis vermis geraak het.
“Sers. Clinton Odayar het met behulp van sy snuffelhond, Danté, gehelp om oor die volgende paar dae na Samkelo Cele te soek,” het Zwane gesê. “Dinsdag omstreeks 10:00 het Odayar en Danté die kind opgespoor waar hy onder bosse in ʼn diep sloot gelê het. Hy was lewend en het net daar gelê en wag op hulp.”
Volgens Zwane is die kind na ʼn hospitaal geneem, maar was hy gelukkig nie ernstig beseer nie. Hy is reeds met sy ouers herenig.
