Argieffoto/Jaz O’Hara/Facebook
Swede het egter intussen aangekondig dat sy grense strenger beheer gaan word. Alle treine, motors en veerbote, veral van die suide, sal vir 10 dae lank beheer word en daarna kan die noodmaatreëls herhaal word vir 20 dae op ʼn slag. Swede is deel van die Schengen-state en het reeds jare lank geen grenskontroles nie.
Sedert September het ʼn geskatte 80 000 vlugtelinge Swede bereik en die situasie is besig om buite beheer te raak. Die Sweedse minister, Anders Ygeman, het gesê die maatreëls is nodig omdat ʼn rekordgetal vlugtelinge die afgelope weke Swede binnegestroom het.
Swede het nie nog geskikte behuising vir al die vlugtelinge nie en dit is nou winter in Swede, volgens Mikael Hvinlung, spreker vir die Sweedse departement van migrasie. Die Sweedse minister, Morgan Johansson, het reeds onlangs genoem dat die grens van hulp vir vlugtelinge reeds bereik en uitgeput is.