Foto: ER24
Pieter Rossouw, woordvoerder van ER24, het gesê die pa het glo met sy voertuig ʼn vragmotor verbygesteek en reg van voor teen ʼn bakkie gebots. Die pa en sy eenjarige seun is in die botsing dood. Die ander kind, ʼn driejarige peuter, is kritiek beseer.
Volgens Rossouw het die drie insittendes van die bakkie matige tot ernstige beserings opgedoen. Die beseerdes is op die toneel behandel voordat hulle na nabygeleë hospitale vervoer is vir verdere mediese sorg.
Die ongeluk word ondersoek.
Foto: ER24