Die toerusting wat in die huis gevind is. Foto: Verskaf
Konst. Masilela Langa, woordvoerder van die polisie, het gesê die polisie het Donderdag op die huis toegeslaan nadat hulle ʼn wenk van die publiek ontvang het. Hy het gesê ʼn 58-jarige man, wat glo van Denemarke afkomstig is, is in hegtenis geneem.
Volgens Langa is daar ook op toerusting, waaronder tange, skalpels en verdoofmiddels, in die huis beslag gelê. Die verdagte, wat glo ʼn onderneming in die middestad het, het die huis met sy vrou en twee kinders gedeel. Die vrou en kinders is glo na ʼn plek van veiligheid geneem nadat die verdagte in hegtenis geneem is.
Langa het gesê daar is ook foto’s van vroue se geslagsdele gevind. “Dit is asof die man die hele proses gedokumenteer het.” Hy het gesê dit is nog nie duidelik of die vroue geleef het toe hul geslagsdele verwyder is nie.
Die polisie doen ’n beroep op mense wat slagoffers van die verdagte was of meer inligting het om met hulle in verbinding te tree. Die verdagte sal Maandag in die Bloemfonteinse landdroshof verskyn.