Argieffoto
Die departement het in ʼn verklaring gesê die HANIS-stelsel word gebruik om datavaslegging vir slim ID-kaarte en paspoorte te doen. ʼn Kragonderbreking by die departement se Nuwe Samewerking-gebou, waar die stelsel gesetel is, het skade aan die kabels veroorsaak wat die stelsel buite werking gestel het.
“Elektrisiëns het dwarsdeur die nag gewerk om die kabels te vervang, terwyl die departement se IT-span op bystand is om die bediener te herlaai,” het die departement gesê. “Ons hoop dat die stelsel nie later as 13:00 [Vrydag] weer in werking sal wees nie.”
Die departement het verskoning gemaak vir die onderbreking in dienslewering.
