Argieffoto (StevePB, Pixabay)
Ao. Zwelisha Gumbi, woordvoerder van die polisie, het gesê die polisie is na BFS Loans, ‘n leningsonderneming, ontbied terwyl ʼn gewapende roof reeds aan die gang was. Polisielede het hulle na die toneel gehaas waar die rowers op hulle losgebrand het. Die polisie het teruggeskiet.
“Een van die mans, glo 25 jaar oud, is gewond en later dood,” het Gumbi gesê.
Die tweede rower het homself in die kantoor toegesluit en verskeie mense gyselaar geneem. Die gyselaars het werknemers en kliënte ingesluit. “Die man het homself later aan die polisie oorgegee,” het Gumbi gesê.
Robert McKenzie, woordvoerder van die provinsiale nooddienste, het gesê hulle het probeer om die gewonde man weer by te bring, maar dit was tevergeefs. Hy is op die toneel dood verklaar.