Boitumelo Engelbrecht (Foto verskaf deur die polisie)
Die polisie in die Noord-Kaap ondersoek ʼn saak van moord nadat ʼn vyfjarige seuntjie, Boitumelo Engelbrecht, se liggaam Sondag omstreeks 16:00 in ʼn droë dam in Daniëlskuil opgespoor is.
“Twee kinders wat daar gespeel het, het op Boitumelo se liggaam afgekom,” het lt. Donald Mdhluli, woordvoerder van die polisie, gesê. “Die polisie is daarna ontbied.”
Hy is op 31 Augustus as vermis aangemeld.
“ʼn Nadoodse ondersoek sal die presiese oorsaak van sy dood bepaal. Die polisie doen ʼn beroep op die publiek om na vore te kom indien hulle oor enige inligting beskik wat tot die inhegtenisneming van die verdagtes kan lei.” Kontak die ondersoekbeampte, ao Johan Viljoen by 082 302 0380.