Argieffoto: ER24
Chris Botha, woordvoerder van Netcare911, het gesê ‘n groep fietsryers het op ‘n pad wat die N2 met Shaka’s Kraal verbind, gery toe die ongeluk gebeur het. Volgens Botha het die fietsryers glo om ʼn draai in die pad gery toe een van die fietsryers onder die vragmotor beland het.
“Die vragmotor het bo-oor hom gery en hy is kritiek beseer. Hy is op die toneel dood verklaar,” het Botha gesê.
Volgens Botha was die ander fietsryers en vragmotorbestuurder erg getraumatiseerd ná die voorval. Nog ʼn fietsryer het geringe beserings opgedoen en is op die toneel behandel. Die polisie ondersoek die voorval.