Argieffoto: GCIS
Die Brics-lande se Nuwe Ontwikkelingsbank het die eerste fase lenings ter waarde van $811 miljoen goedgekeur vir hernubare energieprojekte.
Die Brics-bank het oor die naweek bevestig die vier projekte, een van Brasilië, een van China, een van Indië en een van Suid-Afrika, is tydens die lentevergaderings van die Internasionale Monetêrefonds en die Wêreldbank in Washington voorgelê.
Die Brics-bank staan $300 miljoen aan Brasilië toe, $81 miljoen aan China, $250 miljoen aan Indië en $180 miljoen aan Suid-Afrika.
Die bank is in Julie 2014 deur die Brics-ledestate, Brasilië, Rusland, Indië, China en Suid-Afrika op die been gebring om hulpbronne te mobiliseer vir infrastruktuur en volhoubare ontwikkelingsprojekte.
Met ʼn aanvangskapitaal van $100 miljard, het die bank op 21 Julie 2015 met sy bedrywighede begin.
-ANA Sputnik