Foto: Maroela Media
Pres. Jacob Zuma het Woensdag die datum vir vanjaar se munisipale verkiesing bekend gemaak.
Zuma het in ʼn verklaring bevestig die verkiesing sal op 3 Augustus plaasvind. Hy het gesê die minister van samewerkende regering en tradisionele sake sal die nodige wetlike prosedures volg om die datum aan te kondig.
Die president het verder alle stemgeregtigde Suid-Afrikaners, in besonder die jeug wat die eerste keer sal kan stem, aangemoedig om seker te maak hulle registreer die naweek van 9-10 April. “Ons doen ‘n beroep op almal wat stemgeregtig is om te registreer om te stem en diegene wat nog nie hul name nagegaan het nie, om dit die naweek te doen sodat ons saam kan voortgaan om ons demokrasie te herbevestig en te verdiep,” het Zuma gesê.