Tsoenami-waarskuwing ná aardbewing

ʼn Tsoenami-waarskuwing is uitgereik nadat ʼn kragtige aardbewing van 7,9 aan die suidwestelike kus van die Indonesiese eiland Soematra voorgekom het.

Euro-Mediterreense seismologiese sentrum (EMSC) het gesê die aardbewing het sowat 805 km van Padang, Wes-Soematra se hoofstad, op ʼn diepte van sowat 10 km voorgekom en die skudding kon in Singapoer gevoel word.

Die Indonesiese meteorologiese agentskap het ná die aardbewing ʼn tsoenami-waarskuwing uitgereik vir talle provinsies in Soematra. Australië het ook kort hierna ʼn tsoenami-waarskuwing uitgereik.

Australië het die waarskuwing egter later teruggetrek en gesê “geen tsoenami-golwe is waargeneem wat ʼn gevaar vir Wes-Australië inhou nie”.