Toneel in Broadstraat, Durban waar ‘n baba tussen vullissakke gevind is (Foto: Rescue Care)
Paramedici het Saterdagaand omstreeks middernag ʼn baba tussen vullissakke in Durban gevind.
“Omstanders het rondom die vullissakke gestaan toe paramedici by die toneel in Broadstraat naby Smithstraat opgedaag het,” het Garrith Jamieson, woordvoerder van Rescue Care, gesê. “ʼn Pasgebore baba wat in ʼn plastieksak toegedraai was, is langs die pad gelos.”
Die baba het ongelukkig reeds gesterf voor paramedici opgedaag het. “Die toneel is aan die SAPD oorgegee vir verdere ondersoek.”