Die dolfyn word soos ‘n trofee aangestuur Foto: Hernan Coria, CEN
WAARSKUWING: Die foto’s onderaan die berig kan sensitiewe kykers ontstel.
ʼn Jong dolfyn het vermoedelik weens dehidrasie gevrek nadat hy soos ʼn trofee rondgedra en deur ʼn groep swemmers gevryf is voor hy agterweë op die sand gelaat is.
Die groep mense het in Santa Teresita, Argentinië, rondom die dolfyn saamgedrom om selfies te neem nadat die soogdier op die strand gevind is.
La Plata-dolfyne, ook bekend as Franciscana-dolfyne, kan tot 20 jaar oud word.
Die laaste foto’s van die dolfyn wys hoe die dier verlate op die strand lê.
Die natuurlewestigting in Argentinië het ʼn openbare kennisgewing uitgereik om die publiek bewus te maak van dié kwesbare spesie, wat slegs aan die kuslyn van Argentinië, Uruguay en Brasilië voorkom. “Die Franciscana, net soos enige ander spesie, kan nie lank buite die water bly nie. Die soogdier dehidreer buite die water en dan vrek hulle,” het die stigting gesê. “Die publiek word gemaan om dolfyne so vinnig as moontlik weer in die water terug te plaas indien hulle op die kus gevind word.”
