Foto verskaf deur Netcare 911
ʼn Man is Saterdagaand ernstig beseer nadat ‘n Land Rover in ʼn muur by ʼn vulstasie in Malvern, KwaZulu-Natal, vasgejaag het.
“Die voertuig het die pad verlaat, deur die vulstasie gejaag en uiteindelik in die muur vasgejaag,” het Chris Botha, woordvoerder van Netcare 911, in ʼn verklaring gesê. “Die man is op die toneel gestabiliseer en na ʼn plaaslike hospitaal geneem vir verdere behandeling.”
Die oorsaak van die ongeluk is nog nie bekend nie. Die polisie stel ondersoek in.