Argieffoto
ʼn Metropolisiebeampte is Maandagmiddag naby sy huis in Eersterivier in die Wes-Kaap doodgeskiet.
“Twee gewapende mans het hom in Devonpark aangeval en hulle het met sy dienspistool en tweerigtingradio gevlug,” het lt.kol. Andre Traut, woordvoerder van die polisie, gesê. “Die beampte was tydens die aanval aan diens en hy was in sy uniform geklee.”
Die omstandighede rondom die moord word ondersoek. Enigiemand met verdere inligting word versoek om Crime Stop te skakel by 08600 10111.