Baleka Mbete, speaker van die parlement (Staatsrede 2016) (Skermskoot uit die regstreekse uitsending)
Baleka Mbete, speaker van die parlement, het Julius Malema, leier van die EFF, Donderdagaand versoek om die parlement te verlaat, weens ʼn ontwrigting van die gesamentlike sitting.
Mbete het daarop gewys dat ʼn gesamentlike sitting slegs handel oor die punt van orde, naamlik die president se staatsrede op 11 Februarie.
Stone Sizani, hoofsweep van die ANC, het saam met Mbete gestem en gesê dat die reëlboek bepaal dat geen debatvoering tydens ʼn gesamentlike sitting mag plaasvind nie.
John Steenhuysen, hoofsweep van die DA, het egter aan Mbete gesê dat sy reëls uit die reëlboek wil verwyder, en nuwe reëls uitdink.
“Lede van die EFF, maak die besluit of julle hier wil bly of nie,” het Mbete gesê.
ʼn Lid van die EFF het bo Mbete probeer uitroep dat hulle nie besig is om die sitting te ontwrig nie.
Mmusi Maimane, leier van die DA, het uiteindelik versoek dat Mbete die vergadering tot ʼn punt van orde sal roep en dat daar met die sitting sal voortgaan.
Mbete het daarna die president geroep.
Volg die staatsrede regstreeks: