Argieffoto
ʼn Man het Woensdagmiddag in ʼn swembad by ʼn huis in Montclair, Durban, verdrink.
“Die man het langs die swembad gelê toe paramedici by die toneel opgedaag het,” het Chitra Bodasing, woordvoerder van ER24, in ʼn verklaring gesê. “ʼn Vrou het glo in die swembad ingespring en hom uitgehaal.”
Die man, in sy 50’s, het geen tekens van lewe getoon nie. “Hy is op die toneel dood verklaar.”
Die omstandighede rondom die voorval word ondersoek. Die betrokke owerhede was op die toneel.