Argieffoto
ʼn 55-jarige onderwyser het in ʼn hof in Noordwes verskyn op aanklag dat hy ʼn negejarige seun aangerand het deur ʼn balpuntpen tussen sy twee vingers in te druk.
“Die onderwyser het Maandag in die Mogwase-landdroshof verskyn,” het maj. Pelonomi Makau, woordvoerder van die polisie, gesê. “Hy is vrygelaat op borgtog van R500.”
Makau het gesê die saak spruit uit ʼn voorval wat verlede week Donderdag op 28 Januarie by ʼn laerskool in Moruleng plaasgevind het. “Die kind is na ʼn hospitaal geneem met ernstige beserings.”
Die saak is tot 23 Februarie uitgestel vir verdere ondersoek. “Hy staan tereg op aanklag van aanranding met die doel om ernstige liggaamlike skade aan te rig.”