Die brand wat Donderdag in Vishoek gewoed het. Foto via Fish Hoek Beach op Facebook.
Die groot veldbrand wat in Vishoek naby Kaapstad gewoed het, is Donderdagaand onder beheer gekry.
Verskeie inwoners is Donderdagmiddag ontruim en na ʼn gemeenskapsaal geneem. Richard Bosman, die stad se uitvoerende direkteur van veiligheid en sekuriteit, het teen 20:00 vir dié mense die groen lig gegee om terug te keer na hul huise.
Brandbestryders en ander rolspelers was Vrydagoggend steeds in die gebied om die situasie te monitor.
Maroela Media het vroeër Donderdag berig ʼn verkoolde liggaam is in ʼn treinwa gevind wat by die Vishoek-treinstasie weens die veldbrand aan die brand geslaan en uitgebrand het. Die persoon is onherkenbaar verbrand. Lees meer hier.
