Foto: ER24
Chitra Bodasing, woordvoerder van ER24, het gesê toe paramedici by die toneel opdaag, het die wrakke van die motors langs die pad in die veld gelê.
“Twee mans was in een van die motors vasgekeer. Paramedici en brandweerbeamptes het vinnig gewerk om die twee mans uit die voertuig te sny. Ten spyte van hul pogings, is die bestuurder op die toneel dood,” het Bodasing gesê. “Die passasier was in ʼn ernstige toestand en is dadelik na ʼn hospitaal geneem.”
Vier mans was in die ander voertuig vasgekeer, maar die bestuurder het reeds aan sy beserings beswyk. Die ander drie mans het matige beserings opgedoen en is ook na ʼn hospitaal geneem.
“Die presiese oorsaak van die ongeluk is nie bekend nie. Owerhede was op die toneel om die ongeluk te ondersoek.”