Ongeluk op die R71 op 14 Januarie 2016 Foto: ER24
Twee mans is Donderdagmiddag op die R71 in Limpopo dood toe ʼn motor en ʼn bakkie mekaar reg van voor getref het.
“Twee persone is op die toneel dood en twee persone het kritieke beserings opgedoen,” het Pieter Rossouw, woordvoerder van ER24, gesê. “Die pasiënte is na ʼn hospitaal geneem vir verdere behandeling.
Die R71 is die provinsiale pad wat Polokwane via Tzaneen en Phalaborwa met die Kruger-wildtuin verbind.
Die oorsaak van die ongeluk is onbekend. Owerhede stel ondersoek in.
