Argieffoto
Die liggaam van ʼn vrou is op Durban se strand aangetref, het die polisie in KwaZulu-Natal Sondag gesê.
“Die liggaam is Saterdag tussen Batterystrand en die gewilde Sun Coast Casino-strand aangetref,” het maj. Thulani Zwane, woordvoerder van die polisie, gesê.
ʼn Britse paspoort is by die liggaam aangetref, maar Zwane kon nie bevestig of dit aan die vrou behoort nie.
“Daar was geen uitwendige beserings nie,” het Zwane gesê. “ʼn Nadoodse ondersoek sal die oorsaak van dood bepaal.”
Die vrou is vermoedelik in haar vroeë 30’s, het hy bygevoeg.