Die Kaapse Klopse tydens 2014 se parade. Foto: Nardus Engelbrecht / SAPA
Talle paaie word Saterdag in Kaapstad se middestad gesluit tussen 08:00 en 23:59 vir die optog tydens die Tweede Nuwejaarsdagvieringe.
“Hierdie jaarlikse gebeurtenis is deel van die kulturele raamwerk van ons stad en is uniek aan en sinoniem met Kaapstad,” het Garreth Bloor, burgemeesterskomiteelid vir toerisme, gesê. “Inwoners en besoekers van dwarsoor die wêreld, ongeag hul kulturele agtergrond, kom kyk na die helderkleurige uitrustings, en beleef die atmosfeer en gees van die groepe wat deelneem.”
Motoriste word gemaan om van alternatiewe roetes gebruik te maak.
Klik hier om te sien watter paaie gesluit word.