Argieffoto (St Jamesstrand, Kaapstad) (Foto: Pixabay)
Wetstoepassers het Saterdag bontgestaan toe duisende persone Welwillendheidsdag op strande in die Wes-Kaap spandeer het.
“Daar was polisiebeamptes te voet, te perd en in voertuie om seker te maak dat persone op die strande veilig is terwyl hulle die vakansieseisoen geniet,” het Novela Potelwa, woordvoerder van die polisie, gesê. “Voertuignasienpunte word op groot roetes na strande opgerig en waar nodig, is daar ook helikopterbystand.”
Potelwa het vakansiegangers gemaan om te voldoen aan wette wat openbare plekke betref, en ouers versoek om altyd ʼn ogie te hou oor hul kinders, en om dadelik beamptes in kennis te stel indien ʼn kind verdwyn.