Argieffoto
ʼn Brasiliaanse hof het beveel dat die gewilde boodskapdiens Whatsapp van Donderdag vir 48 uur in die land geblokkeer sal word.
ʼn Hof in Sao Bernardo do Campo het selfoonnetwerkoperateurs beveel om Whatsapp te blokkeer as straf vir die maatskappy se beweerde weiering om hul samewerking in ʼn onverwante regsaak te gee, het Agencia Brasil op sy webtuiste berig. Dit is nie duidelik waaroor die dispuut gaan nie.
Die VSA-gebaseerde app word deur miljoene selfoongebruikers in Brasilië gebruik. Wêreldwyd is daar ongeveer 900 miljoen Whatsapp-gebruikers.
Maroela Media het vroeër vanjaar berig dat Facebook WhatsApp vir $16 miljard (toe sowat R177 miljard) gekoop het.