Argieffoto Foto: memyselfaneye (Pixabay)
Sers. Mamello Mokhuoane, woordvoerder van die polisie, het gesê die ongeluk het omstreeks 16:00 naby Thabong gebeur. Die broers het langs die pad gestaan toe ʼn wit Ford Focus met Gauteng-nommerplate teen ʼn hoë spoed teen hulle vasgejaag het.
“Die bestuurder het vermoedelik beheer oor die motor verloor,” het Mokhuoane gesê. “Nadat die motor die seuns getref het, het dit teen ʼn elektriese paal langs die pad tot stilstand gekom. Die bestuurder het uit die voertuig gespring en van die toneel af gevlug.”
Ooggetuies het die polisie en nooddienste ontbied, maar met paramedici se aankoms was albei seuns reeds dood.
“Die identiteit van die bestuurder is aan die polisie bekend en hy word gesoek. ʼn Saak van strafbare manslag is geopen,” het Mokhuoane gesê.