Argieffoto: NSRI
Craig Lambinon, woordvoerder van die NSRI, het gesê baaiers moet weet van hooggety en laaggety en die gepaardgaande sleurstrome wat dit veroorsaak. “Sleurstrome is die hoofoorsaak van verdrinking aan die kus. Sleurstrome is soos ʼn rivier wat in die see invloei teen inkomende golwe en word gevorm wanneer golwe die kuslyn bereik.”
Lambinon het gesê tydens springgety, wat twee keer per maand voorkom, is daar ʼn hoër as normale hooggety en ʼn laer as normale laaggety wat sterk sleurstrome veroorsaak. Hy het gesê mense wat in die see swem, kan maklik deur sleurstrome die see ingetrek word.