Foto: SAPD/Facebook
Kapt. Jackson Manatha, woordvoerder van die polisie, het gesê die vrou het glo Vrydagaand in haar huis in Centane, naby King Williams Town, geslaap, toe iemand aan die deur geklop het. Voordat die vrou kon reageer, het die verdagte glo die deur oopgebreek.
“Die 24-jarige verdagte is na die vrou se bed en het haar glo gesoen. Die vrou het glo teruggeveg en ʼn stuk van die man se tong afgebyt. Die man het glo voortgegaan om die vrou te verkrag voordat hy gevlug het.”
Volgens Manatha het die vrou die stuk haar vermeende verkragter se tong gehou en dit aan die polisie oorhandig. Die verdagte is intussen Saterdag in hegtenis geneem. Hy sal na verwagting Maandag in die Centane-landdroshof verskyn.