Foto: ER24
Pieter Rossouw, woordvoerder van ER24, het gesê die man het aan ʼn pretdraf deelgeneem van die stad teen die berg op. “Die man het glo erg uitgeput geraak en sy vrou het ER24 vir hulp gebel.”
Volgens Rossouw het paramedici van ER24, ook in blou en rooi geklee, saam met veldwagters van Tafelberg Nasionale Park na die man begin soek. “Die man is kort hierna opgespoor en met ʼn Skymed-helikopter van die berg verwyder.”
Rossouw het gesê paramedici het die man behandel voordat hy na die Mediclinic Kaapstad geneem is vir verdere behandeling.