Argieffoto
ʼn Vrou van Port Elizabeth veg vir haar lewe in ʼn plaaslike hospitaal nadat sy Woensdagaand glo deur haar man geskiet is.
Dié voorval het plaasgevind by die Cape Recife School in Somerstrand, waar die man as koshuistoesighouer gewerk het. Die man, glo in sy laat 50’s, het selfmoord gepleeg nadat hy sy vrou geskiet het. Hy is op die toneel dood verklaar.
Die identiteit van die man en vrou is nog nie bekendgemaak nie aangesien al hulle naasbestaandes nog nie in kennis gestel is nie.