Argieffoto
ʼn Vrou het Saterdagaand kritieke beserings opgedoen toe sy uit ʼn venster op die derde verdieping van ʼn gebou in South Beachweg, Durban, geval het.
Maroela Media het berig ʼn negejarige seun het Saterdagmiddag ook uit die derde verdieping van ʼn gebou, in Killarney, Johannesburg, geval.
“Die vrou het glo uit die venster geval en op die sypaadjie te lande gekom,” het Chris Botha, woordvoerder van Netcare 911, in ʼn verklaring gesê.
Die vrou het kritieke beserings opgedoen. “Paramedici het gespook om haar te stabiliseer voor sy na ʼn nabygeleë hospitaal geneem is vir verdere behandeling.”