Man in hof oor moord op minister se seun

Die man wat daarvan beskuldig word dat hy Chumani Nqakula, die seun van Nosiviwe Mapisa-Nqakula, minister van verdediging en militêre veterane, vermoor het, sal Maandag in die hof verskyn.

Chumani (23) is Saterdag by Bezuidenhout Valley in Johannesburg doodgesteek. Die verdagte, wat glo aan Chumani bekend was, is oor die naweek in hegtenis geneem.

Medelye en ondersteuningsboodskappe aan die minister en haar man, Charles Nqakula, het sedert Sondag vanuit alle oorde ingestroom.