[Video] Onnie glo vermoor oor verdagte dwelmhandelaar skuld

Die man wat teregstaan vir die moord op die onderwyseres Lindie Bosch-Jansen wou haar glo beroof omdat hy na bewering ‘n Nigeriese dwelmhandelaar geld geskuld het, het die landdroshof in Bela-Bela gehoor.

Maroela Media het vroeër berig Bosch-Jansen is op 17 Oktober ten aanskoue van haar kinders op die terrein van Laerskool Warmbad met ʼn mes doodgesteek. Sy was besig om saam met haar vriend, Howard Holtzhausen, op te ruim ná ʼn 60ste verjaardagpartytjie en het goed na haar motor gedra. ʼn Man het uit die bosse gestorm en haar in haar sy gesteek.

Die insetsel is deur eNuus vervaardig. Kyk eNuus elke aand om 19:00 op kanaal 144 en 145 op DStv.