Foto: ER24
Pieter Rossouw, woordvoerder van ER24, het gesê die vragmotor het in Murrayweg gery toe die bestuurder glo beheer verloor en die vragmotor omgeslaan het. “Die konstruksievoertuig het 15 passasiers vervoer.”
Volgens Rossouw is een persoon met paramedici se aankoms op die toneel dood verklaar. Die ander 14 passasiers het geringe tot matige beserings opgedoen. “ER24 het agt pasiënte na die Northdale-hospitaal vervoer vir behandeling. Die ander pasiënte is deur ander paramedici na nabygeleë hospitale vervoer.”
Die presiese oorsaak van die ongeluk word ondersoek.