120 beseer toe trein se remme faal

Ongeveer 120 treinpassasiers is Vrydagaand in Johannesburg beseer, waarvan sommige ernstig, toe ʼn trein se remme nie ʼn gewerk het nie.

Chris Botha, woordvoerder van Netcare 911, het gesê paramedici is omstreeks 19:00 na die toneel by Ennerdale-stasie ontbied. “Paramedici het gevind die trein het nie ontspoor soos aanvanklik berig is nie. Dit lyk asof die trein se remme vasgessit het, wat passasiers laat val het,” het hy verduidelik. “In die paniek het sommige van die passasiers uit die bewegende trein gespring.”

Ongeveer 120 mense is matig tot ernstig beseer. Die pasiënte is op die toneel behandel voordat hulle na verskeie hospitale geneem is.

“Die voorval word deur die polisie ondersoek,” het Botha gesê.