Argieffoto: SAPD
Lt. Sergio Kock, woordvoerder van die polisie, het gesê Nomvuyo Daki en haar vriendin het glo Saterdagaand by die man se huis gekuier. Die vriendin is later huis toe en Daki het agtergebly.
“Ons weet nog nie presies wat gebeur het nie, maar die meisie se liggaam is later in ʼn straat naby die man se huis gekry. Sy het erge kopbeserings opgedoen en daar is ʼn moontlikheid dat sy verkrag is,” het Kock gesê.
Die man is in hegtenis geneem en sal binnekort in die De Aar-landdroshof verskyn op ʼn aanklag van moord.