Beurtkrag onwaarskynlik Saterdag

Eskom het Vrydag gewaarsku dat beurtkrag binnekort weer geïmplementeer kan word weens instandhoudingswerk wat volgende week moet plaasvind. Die kragvoorsiener het op 8 Augustus die laas beurtkrag toegepas.

“Ons instandhoudingsplan is daarop gemik om die betroubaarheid van ons aanleg te verbeter en sodoende ons bedryfstelselreserwes te verhoog en kragnetwerk te stabiliseer. Ons strewe daarna om geen beurtkrag toe te pas nie maar die realiteit is dat ons ʼn kwesbare kragnetwerk bedryf. Ons sal voortgaan om die situasie te monitor en indien dit nodig is om beurtkrag te implementeer, sal ons dit kommunikeer.”

Eskom het ʼn beroep gedoen op gebruikers om voort te gaan om hul elektrisiteitsverbruik te verminder.