Argieffoto (Foto: imgkid.com)
Chris Botha, woordvoerder van Netcare 911, het gesê die voorval het omstreeks 17:00 voor ’n Pick n Pay gebeur. “Met paramedici se aankoms op die toneel het die man op die grond gelê met ʼn skietwond in sy kop,” het hy gesê.
Paramedici het probeer om die man op die toneel te stabiliseer, voordat hy na ʼn plaaslike hospitaal gehaas is. Hy is kort ná sy aankoms by die hospitaal oorlede.
ʼn Woordvoerder van die polisie het die voorval bevestig en gesê die saak word ondersoek. Die motief vir die moord is nie in hierdie stadium bekend nie.