Henk Cronjé. Foto: Facebook
Amanda Appelgryn, hospitaalwoordvoerder, het aan Maroela Media bevestig daar was ʼn skietvoorval in ’n private spreekkamer in die hospitaal. Sy kon geen verdere besonderhede bekend maak nie.
Kapt. Chaka Marope, woordvoerder van die polisie, het intussen gesê die skietery het Vrydagoggend omstreeks 10:00 plaasgevind. “’n 40-jarige man het homself geskiet en is later dood.” Marope het gesê ʼn geregtelike doodsondersoek is geopen.
Die oorledene is intussen geïdentifiseer as Henk Cronjé. Sy pa, Neil, het ʼn onkologie-praktyk by die hospitaal.
Grey-kollege het intussen op Facebook geskryf: “Ons innige simpatie met die afsterwe van oud-Grey, Henk Cronjé. Mag sy familie en vriende vertroosting vind in hierdie moeilike tyd.”
Volgens OFM was die pa en seun in ʼn hewige hofstryd gewikkel rakende ʼn bekende konferensie- en onthaalplek vir troues waarvan albei eienaars was.