Walus nie nou vrygelaat

Janusz Walus, die moordenaar van SAKP-leier Chris Hani, gaan nie nou op parool vrygelaat word nie, al het die hooggeregshof in Pretoria Donderdag die minister van justisie en korrektiewe dienste se aansoek om verlof tot appèl van die hand gewys.

“Hy kan nie vrygelaat word nie voordat sy regsverteenwoordigers aansoek doen om sy vrylating ingevolge die Wet op Hoër Howe, wat onmiddellik en vanselfsprekend ʼn hofbevel opskort wanneer kennis gegee word van verlof tot appèl,” het Mthunzi Mhaga, die minister se woordvoerder, buite die hof aan verslaggewers gesê. “Ons het aan haar [regter Nicolene Janse van Nieuwenhuizen] aangedui dat ons na die appèlhof gaan appelleer, wat beteken hy kan nie vrygelaat word nie.”

Hani se weduwee, Limpho, het gesê die geveg om Walus agter tralies te hou sal voortgaan ondanks die hofuitspraak. “Sy [Van Nieuwenhuizen] is nie God nie. Daar is ander howe wat ons kan nader. Sover dit ons aangaan, het ons, as swart mense van die land, vandag gewen.”

Van Nieuwenhuizen het vroeër Donderdag die minister se aansoek met koste van die hand gewys.

Lees alle vorige berigte oor Janusz Walus op Maroela Media.