Julius Malema, leier van die Ekonomiese Vryheidsvegters (EFF) Foto: enca.com
Die Ekonomiese Vryheidsvegters het aangekondig dat hul leier, Julius Malema, Woensdag sy BA-graad van die Universiteit van Suid-Afrika (Unisa) sal ontvang.
“Die gradeplegtigheid vind môreaand om 18:00 by die ZK Matthews-saal by Unisa se hoofkampus plaas,” het Mbuyiseni Ndlozi, woordvoerder van die EFF, gesê.
“Ons president en leier maak ons trots en sy prestasie bevestig die realiteit dat opvoeding sentraal staan tot die struggle vir ekonomiese vryheid. Sonder opleiding, is ekonomiese vryheid nie volhoubaar nie,” het Ndlozi gesê.