Paulo Porpora se skildery, “Blomme”
‘n 12-jarige seun van Taiwan het by ‘n museum gestruikel en ‘n $1.5 miljoen-skildery gebreek toe hy val.
Die Paulo Porpora-skildery, “Blomme”, is 350 jaar oud en was op uitstalling in Taipei, berig Focus Taiwan.
In die kringtelevisiemateriaal kan mens sien hoe die seun tydens ‘n begeleide toer drentel, struikel, en dan teen die skildery druk toe hy val.
Volgens Focus Taiwan het die kurator van die uitstalling, Andrea Rossie, aangedui dat die seun se ouers nie aanspreeklik gehou sal word vir die skade nie. Die organiseerders sal die versekeringsmaatskappy nader om die skade te dek voordat die skildery na Italië teruggestuur word.