Argieffoto: avcom.co.za
Die lugmag het in ʼn kort verklaring gesê die twee vlieëniers van die Cessna Caravan-vliegtuig was besig met ʼn roetine-nagvlugoefening by die plaaslike lugmagbasis. “Albei vlieëniers is deur die basis se reddingspan gevind. Die vlieëniers het wisselende grade van beserings opgedoen en is in die hospitaal opgeneem,” lui die verklaring.
Volgens die lugmag het normale nasionale weermagprosesse reeds begin om die voorval en die oorsaak van die ongeluk te ondersoek.