Sexwale onttrek aan Fifa-verkiesing

Tokyo Sexwale, wat een van die kandidate was in die verkiesing vir die nuwe president van die Internasionale Sokkerfederasie (Fifa), het Vrydag kort voor die stemmery begin het, as kandidaat onttrek.

Sjeik Salman Bin Ebrahim Al Khalifa, Gianni Infantino, prins Ali Bin Al Hussein en Jerome Champagne is die oorblywende kandidate vir president van Fifa.

“Ek is bereid om onder die volgende president te dien. My kandidaatskap eindig hier. Ek dank u,” het Sexwale in ʼn kort toespraak voor die stemmery sou begin, gesê.

“Ek sou nooit eers kon droom om ʼn Fifa-kandidaat te wees nie. Ons is vandag hier omdat ʼn president gekies moet word. Kom ons bly verenig. Die wêreld daar buite dink dit is die einde van Fifa.”