Vyfjarige sterf toe hy uit venster val

Argieffoto

ʼn Vyfjarige seun is Dinsdagaand dood toe hy uit die venster van ʼn woonstel op die negende verdieping van ʼn gebou in Overport, Durban, geval het.

“Die kind het glo in die woonstel agtergebly toe sy pa iemand by die ingang van die gebou gaan ontmoet het,” het Chris Botha, woordvoerder van Netcare 911, gesê. “Die kind het kritieke beserings opgedoen en is dood voor paramedici van Netcare 911 by die toneel opgedaag het.”

Dit is nog nie duidelik hoe dit gebeur het dat die kind by die venster uitgeval het nie. Die polisie stel ondersoek in.