Foto: SAPD/Facebook
ʼn Tshwane-metropolisiebeampte is op die Molotoweg in Pretoria in hegtenis geneem op aanklag dat sy omkoopgeld van motoriste probeer bekom het.
“Die beampte is Saterdagmiddag deur die Padverkeersbestuurskorporasie (RTMC) se nasionale teenkorrupsie-eenheid in hegtenis geneem,” het Simon Zwane, woordvoerder van RTMC, gesê. “Sy het probeer om R100 omkoopgeld van ʼn beampte, wat vir die RTMC werk, te bekom. Die beampte was heimlik besig om gedrag van beamptes op hierdie pad te monitor.”
Die RTMC se teenkorrupsie-eenheid is dwarsoor die land ontplooi om seker te maak dat verkeersbeamptes en motoriste eties optree.