Argieffoto
ʼn Man is in die Bethlehem-landdroshof in die Vrystaat gevonnis nadat hy skuldig bevind is aan orale verkragting van ‘n ander man.
Motlalepule Johannes Lekhelebane (22) is tot 10 jaar tronkstraf gevonnis. Lekhelebane het in Maart sy slagoffer, wat op pad was huis toe van ʼn kroeg, voorgekeer. “Hy het hom na sy huis gedwing en daar oraal verkrag,” het sers. Mmako Mophiring, woordvoerder van die polisie, gesê.
Volgens Mophiring het die slagoffer die voorval by die polisie aangemeld en is Lekhelebane dieselfde dag in hegtenis geneem. Lt.genl. Thabethe Mpembe, provinsiale polisiekommissaris, het gesê “misdaad ken geen grense nie en wetsoortreders moet gestraf word”.